Artikulo
Isinulat ni King Crescent
July 22, 2025 - 10:36 AM
" Ano ba naman yan pre nagba blog ka pa din anong taon na aa, 2025 na nagba blog ka padin. Bakit hindi mo gayahin yung ano yung vlogging sa YouTube ayon pre baka sumikat at yumaman ka don "
Trivia :
Ang meaning ng blogging ay - pagtatala ng kahit anong intellectual writeups / feelings sa internet sa pamamagitan ng paggawa ng sariling website or paggamit ng mga free blogging platforms tulad nito (blogger). Malaki ang kaibahan ng blogging sa vlogging. Oo na alam ko magkaiba sila ng spelling and basa. Bukod dyan magkaiba sila ng way ng pagde deliver.
Sa blogging more on words although minsan may kasama rin itong mga pictures and videos. Ang market ng blogging ay yung mga taong mahilig magbasa.
Tulad ng mga taong nagbabasa at nagsusulat ng mga balita, mga academians / researchers.
Sa kabila naman ay ang vlogging, na kung tama ang pagkakaalam at pagkakaalala ko ang vlogging ay short word for video blogging. Dyan na nga papasok ang mga content creation na video ang way ng delivery. Madami ng video blogging platforms ang naglipana ngayon ang ilan sa mga pinaka sikat ay ang YouTube, TikTok, Instagram at iba pa.
Parehas may advantages ang dalawa.
Sa blogging kase may luxury ka na mag express ng idea mo sa mas detalyadong paraan ng hindi nagwo worry kung ma bo bored ba or mawawalan ng interest ang iyong audience / market.
Kung ang isang tao kase ay mas prinefer na magbasa about sa isang bagay instead na maghanap na easy to find resources sa internet it's safe to assume na mayroon silang oras o patience na basahin yang blogpost or blog content mo kahit gaano pa yan kahaba o ka kumplikado as long as ito ay interesting and beneficial sa kanila.
Lipat naman tayo sa kabilang banda - sa Vlogging,
Ang advantage ng vlogging ay sobrang obvious. hindi sya ganun ka effort gaya sa blogging na mag iisip ka muna ng maigi sa kung ano ang isusulat mo bago mo i post. Sa video blogging kase ea hindi naman lahat at palagi. minsan kase sa video blogging kung ano ano lang yung mga ginagawa at sinasabi ng mga tao sa harap ng kanilang mga kamera.
No offense, sa mga video bloggers pero para talaga sa akin mas ma effort parin ang pagsusulat ng blog kaysa sa paggawa ng mga video blogs.
Eto ay aking opinyon lamang, malaya kang mag disagree sa aking mga sinasabi / o sinulat basta see to it na ang iyong disagreement ay nagmumula sa konstraktibong kritisismo (constructive criticism).
Balik tayo sa tanong sa simula palang ng blog post na ito.
" Bakit mahalaga ang blog ?"
" Bakit nagbablog ka parin ? "
Bakit mahalaga ang blog ?
Mahalaga ang mga blog dahil na e express dito ng mas malalim ang mga paksang tinatalakay. Bukod dyan hindi lahat ay may lakas ng loob or sapat na tiwala sa sarili para humarap at magsalita sa harap ng kamera. nakakatulong din ito sa paghasa ng talento at reading comprehension ng mga mambabasa at susumulat nito. napakarami nyang benepisyo sa mga mambabasa at manunulat. infact isa ang online blogging sa mga nag paved ng daan para mabuo ang internet at maging ang mga social media platforms na napapakinabangan at na e enjoy natin ngayon.
Bakit nagbablog ka parin ?
Hindi ako nagbablog para sumikat o yumaman or para ipakita sa iba na mas magaling o mas marunong ako.
Nagbablog ako para i dokumento ang estado ng aking kaisipan sa paglipas ng panahon.
Gusto ko kase ma document and makita ang ebolusyon ng aking pagkatao.
Gusto ko rin ma evaluate na tama ba ang conception or understanding ko sa mga bagay bagay o hindi.
Bukod sa mga pangunahing rason na sinabi ko sa itaas kaya ako nagbablog ay talagang nag e enjoy din ako magsulat.
Hanggang dito na lamang muna ako mga mahal kong mambabasa.
This is King Crescent of CRXZNT MOON Group, Now signing off.
Abang sa susunod na artikulong aking isusulat.
Manatili sanang ligtas ang lahat ngayong nag uulan.