Tula, Malayang Berso
Isinulat ni King Crescent
Aug 16, 2020
Pilit kong papalinawin ang mga araw na malabo
mga pangako ko sayo kahit kailan di mag lalaho
pilit kitang aabutin kahit gaano kahirap o kalayo
lahat ay aking lalakbayin kahit pa kabilang ibayo
mahal kita walang iba hinding hindi yun magbabago.
Tatlong rosas para sa iyong kagandahan
halimuyak ng mga talulot mo sa aking landas na lalakaran
musikang sinasambit ng dibdib ko ang iyong pangalan
habang buhay kitang aalagaan at hinding hindi hahayaan.
Buong puso ibibigay lahat pati talento
hindi na hahanap pa ng iba at mananatiling kuntento
mas solido pa sa kongkreto ang binitawang pangako't sakramento
mahal kita walang iba, alam mo yana't di sikreto.
Isang rosas para sa nag gagandahan mong mga mata
mga matang nakaka kita ng aking halaga
pintig ng bawat puso ko palaging hinahanap ka
san man ako dahil ng aking mga paa.
Pangalawang rosas para sa patuloy na pananatili mo
sa pag mama mahal at pag titiwalang totoo
hindi mauubusan ng pag papa salamat ang puso kong ito
para sa wagas at tunay na pag ibig mo.
At huling rosas para sa bawat oras na nandyan ka
nung naglaho na lahat lahat sakin sinta
mga kaibigang nang iwan, buhay na di kasiya siya
nanatili ka sinta, kaya mahal na mahal kita.
Tanggapin mo sana ang mga rosas na ito
kalakip ng mga tulang inaalay ko sayo
mabatid mo sana ang nais ko iparating sayo
mahal maraming salamat sa pananatili sa piling ko.