Tula, Malayang Berso
Isinulat ni King Crescent
Jul 23, 2025 - 5:37 AM
Araw araw gumigising ng maaga
Kahit nakakaantok pa bumangon sa kama
Antok at pagod ay napapalitan ng gana
Kapag nakakahigop na ng mainit na kape sa tasa.
Araw araw ganito ang aking ritwal
Bangon, dasal, sipilyo at almusal
Mainit na kape, mantikilya at pandesal
Syempre hindi ko nakakalimutang magdasal.
Dala lagi ang payo ng aking mga magulang at asawa
Na sa aking tenga ay musika, hindi nakakasawa
Araw araw kong dala ang kanilang mga inspirasyon at paalala
Kaya araw araw na pagod ay palagi kong kinakaya.
Magtatagumpay din tayo mga kaibigan ko
Magtatagumpay din tayo ako ay paniwalaan nyo
Magtatagumpay din tayo mga pangarap nating lahat ay magkakatotoo
Magtatagumpay din tayo mga kaibigan ko.
Kayod at tiyaga lang pag asa'y atin ding mahahanap
Kayod at tiyaga lang matutupad din lahat ng ating mga pangarap
Kayod at tiyaga lang makakaahon din tayo mula sa hirap
Kayod at tiyaga lang sa buhay, wag ding kakalimutang magpasalamat.
Mahirap ang buhay pero ganon talaga
Mahirap, pero kayang daanin sa tiyaga
Hindi pwede tumigil, pero pwedeng magpahinga
Patuloy lang sa paggawa ng masasayang pahina.
Pahina ng kwento ng buhay na magiging inspirasyon sa iba
Yun bang tipong magbibigay lakas ng loob sa mga taong nakukunsumi na
Mga kwentong magbibigay liwanag sa mga taong napupundi na
Mga taong kagaya mo na kahit naghihirap sa buhay patuloy na nagpupunyagi pa.
Magtatagumpay din tayo mga kaibigan ko
Sipag, tiyaga lang, tiwala sa ating talento
Mamuhay ng naayon, simple at kontento
Nawa'y maging inspirasyon sa iba ang ating karanasan, mga kwento.
Magtatagumpay din tayo mga kaibigan ko !
- This is King Crescent, now signing off.